लातूर /प्रतिनिधी: जागतिक आरोग्य दिनाचे औचित्य साधून आज दि ०७/०४/२०२६ रोजी महापौर जयश्रीताई सोनकांबळे मॅडम,आयुक्त मानसी मॅडम, सभागृह नेते विजयकुमार साबदे, स्थायी समिती सभापती,सचिन बंडापल्ले,विरोधीपक्ष नेते देविदास काळे,नगरसेवक फारुक शेख,उपायुक्त फड,वैद्यकीय आरोग्य अधिकारी डॉ.शंकर भारती, वैद्यकीय अधिकारी डॉ.हर्षवर्धन राऊत (जिल्हा क्षयरोग अधिकारी कार्यालय) यांच्या उपस्थितीत १०० क्षयरुग्णांना फूड बास्केट देण्यात आले. लातूर जिल्हा क्षयरोग मुक्त करण्यासाठी शासनाकडून औषधींचा मोफत पुरवठा करण्यात येतो.औषधे मिळत असली तरी रुग्ण पूर्णपणे बरा होण्यासाठी पोषण आहार आवश्यक असतो. या उपक्रमात लोकसहभागातून न्यूट्रिशनल सपोर्ट किट देता येते. या माध्यमातून निक्षय मित्र होता येते अशी माहिती डॉ.हर्षवर्धन राऊत यांनी दिली. महापौर व आयुक्त यांनी लातूर शहरातील क्षयरोग रुग्णांना फ़ूड बास्केट वितरणासाठी विविध सेवाभावी संस्थांना आवाहन करण्यात आले.आजच्या दिवशी फ़ूड बास्केट चे दाते म्हणून लातूर शहर महानगरपालिकेतील अधिकारी व कर्मचारी यांनी योगदान दिले. तसेच आगामी काळात उपस्थित सर्व पदाधिकारी यांनी सदर मोहिमेचे कौतुक करत त्यांनी देखील या मोहिमेत सहभागी होण्याची सहमती तसेच अधिकाधिक स्वयंसेवी संस्थांना प्रेरित करण्याचे आश्वासन दिले.
